“დღეიდან ჩვენ ბრძოლას თავისი სახელი აქვს და ეს სახელია „ახალი“!” – ნიკა მელია

დღეს დაფუძნდა კიდევ ერთი პოლიტიკური პარტია “ახალი”, საარჩევნო ნომრით – 4. პარტიის ლიდერები არიან “ერთიანი ნაციონალური მოძრაობის” ყოფილი თავმჯდომარე ნიკა მელია და “მთავარი არხის” დამფუძნებელი, იუსტიციისა და განათლების მინისტრი, ნიკა გვარამია:

ახალი პარტიის ლიდერებმა შეფასებები გააკეთეს სოციალურ ქსელში:

“დღეს ჩემს პოლიტიკურ ცხოვრებაში მნიშვნელოვანი დღეა, ახალი დასაწყისის დღეა თანამებრძოლებისათვის, საფუძველი ჩაეყარა ახალ ერთობას, შეიქმნა პარტია ღირსებითა და სიმართლით ბრძოლისათვის.

დღეიდან ჩვენ ბრძოლას თავისი სახელი აქვს და ეს სახელია „ახალი“! ჩვენს გზას წინ მომავლისკენ აქვს თავისი სიმბოლო და ეს სიმბოლოა N4.

მადლობა ყველას მხარდაჭერისთვის, თანადგომისა და ერთად ბრძოლისათვის“, – წერს ფეისბუქის პირად გვერდზე ნიკა მელიამ.

სოციალურ ქსელში, თავისი შეფასება გააკეთა და წარსულის კონკრეტული მაგალითი გაიხსენა ნიკა გვარამიამაც:

“ბოლოს ასე მაშინ ვიღელვე, როცა მთავარ არხს ვაფუძნებდი 2019ში. მაშინ 19 დღეში ახალმა გუნდმა დავდეთ გამარჯვების ფორმულა.

ახლა მეორედ მაქვს ახალი დასაწყისი, და ისევ ფანტასტიურ გუნდთან ერთად, და ისევ დავდებთ გამარჯვების ფორმულას!

გამოვიდა ერთხელ, გამოვა მეორედაც! 💚🧡✌🏻“, – აღნიშნავს ნიკა გვარამია.