საქართველოს პარლამენტის თავმჯდომარის პირველი მოადგილე, გიორგი ვოლსკი მწვავე პოლიტიკურ შეფასებას აკეთებს პრეზიდენტის გამცხადებაზე, რომ თავისი “ქოლგის” ქვეშ ეყოლება პროდასავლური ოპოზიცია და კრიტიკულ პოზიციას აფიქსირებს, არჩევნების შემდგომ, კოალიციური მთავრობის შექმნის საკითხთან დაკავშირებით:
,,სისხლის სუნი არ გასულა ჯერ რუსთაველის პროსპექტიდან. ამ ადამიანებს, ყველას, უშუალოდ თუ არ აქვს მონაწილეობა მიღებული, ადამიანების ჩაგვრაში, ყოველ შემთხვევაში, იყვნენ შემოქმედნი, ორგანიზაციულად და მხარდამჭერები.
აი, ამათ შემოკრებას აპირებს ახლა ევროპული იდეის გარშემო. ეს არის უტიფრობა!
დიდი შანსია, რომ ,,ქართული ოცნება” კონსტიტუციური უმრავლესობითაც მოვიდეს.
რაც შეეხება კოალიციურობას – ამას გარკვეული პოლიტიკური კულტურა სჭირდება, რომელიც, მაგალითად, ევროპულ ქვეყნებს გააჩნიათ. შეიძლება 25%-ით გაიმარჯვოს რომელიმე პარტიამ და სხვა პოლიტიკურ სუბიექტებთან ერთად მართვის სისტემა შექმნან, მაგრამ როგორ უნდა შექმნა მართვის სისტემა ადამიანებთან, რომლებიც დღენიადაგ იმაზე ფიქრობენ, ეს ქვეყანა როგორ შეარყიონ?!“, – განაცხადა გიორგი ვოლსკიმ.
ავტორი
ნინი ხიჯაკაძე
