UFC-ის პირველი ქართველი ჩემპიონი, ილია თოფურია ტვ ,,იმედის” გადაცემაში ,,სტუმრად ნოესთან” ემოციურ ინტერვიუს აკეთებს საკუთარი გავლილი გზისა და მოლოდინების შესახებ:
- ვინ არის ილია თოფურია?
– ილია თოფურია არის მეოცნებე, რომელიც შრომობს ყოველდღე იმისთვის, რომ დანიშნულ მიზნებს მიაღწიოს.
- შენი ამდენი ტიტული, რომელიც დღეს გაგაჩნია, იყო თუ არა შენთვის ერთ დროს არარეალური ოცნება?
– არასდროს! არასდროს და კიდევ უფრო მეტი შემიძლია გითხრა, რომ ბევრისთვის შეიძლება ბევრი ტიტული მაქვს, მაგრამ ჩემს გონებაში ის, რაც ვიცი, რომ მალე რეალობაში მოვა, ეს არაფერი არ არის ჯერ.
- რამდენი წლის იყავი უკვე რომ იგრძენი, ეს ყველაფერი მოდის და გარდაუვალია?
– 15 წლის რომ ვიყავი მაშინ, როცა პირველად დარბაზში შევედი ესპანეთში. როცა ჩამოვედი და დარბაზში შევედი, ცოტა გავეცანი, რაც არის შერეული ორთაბრძოლა, როდესაც ვიკითხე პირველად – რომელი იყო ყველაზე დიდი ტიტული ამ სპორტში და მითხრეს UFC-ის ქამარი, მაშინვე ვიცოდი…
- უკვე, წინასწარ ქამარს ირგებდი.
– კი ბატონო და კი…“, – განაცხადა ილია თოფურიამ.
ავტორი
ნინი ხიჯაკაძე