საქართველოს მე-3 პრეზიდენტის მხარდაჭერი კამპანია გრძელდება. ,,ერთიანი ნაციონალური მოძრაობის” ლიდერები ხელმოწერების შესაგროვებლად სამტრედიაში იმყოფებოდნენ.
თემასთან დაკავშირებით შეფასება გააკეთა თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილემ, სოფო ჯაფარიძემ:
,,დილიდან ხალხის მსვლელობა არ ჩერდება! მოდიან, მოდიან და სალომე ზურაბიშვილისგან ითხოვენ მიხეილ სააკაშვილის დაუყოვნებლივ გათავისუფლებას.
ითხოვენ იმას, რომ გადავარჩინოთ ჩვენი ქვეყნის ისტორია, გადავარჩინოთ მე-3 პრეზიდენტის სიცოცხლე და რაც შეიძლება სწრაფად, ჩვენი ქვეყანა დასავლურ რელსებზე დავაყენოთ.
იმიტომ, რომ სხვა შემთხვევაში, ეს, ყველა კარგად აცნობიერებს, რომ ფიზიკურად შეუძლებელია“, – განაცხადა სოფო ჯაფარიძემ
შეგახსენებთ, რომ აღნიშნული კამპანიის ფარგლებში, შეგროვებული ხელმოწერები, როგორც სოფო ჯაფარიძემ ბრიფინგზე აღნიშნა, 1 მარტს 3 საათზე საქართველოს პრეზიდენტს, სალომე ზურაბიშვილს გადაეცემა.
ავტორი
ნინი ხიჯაკაძე
