საქართველოს პარლამენტის თავმჯდომარის მოადგილე, არჩილ თალაკვაძე ჟურნალისტებთან კომენტარს აკეთებს 2024 წლის საარჩევნო პროცესთან დაკავშირებით და კრიტიკულ შეფასებას ახდენს ოპოზიციასთან მიმართებაში:
,,2024 წლის საპარლამენტო არჩევნები ჩატარდება თავისუფალ, დემოკრატიულ გარემოში, მაღალი სტანდარტების დაცვით და ხელისუფლება უზრუნველყოფს, რომ არავითარი ჩარევა არჩევნებში არ მოხდეს.
იმ ძალებს, რომლებიც საქართველოს წინააღმდეგ მოქმედებენ, ისინი არა მხოლოდ 2024 წლის არჩევნებში, არამედ მთელი ამ წლების განმავლობაში მუშაობდნენ, რომ ძირი გამოეთხარათ საქართველოში დემოკრატიისთვის და ძირი გამოეთხარათ საქართველოს ევროპული მომავლისთვის.
ქალბატონი სალომე ზურაბიშვილი, პირველ რიგში, უნდა ამჩნევდეს იმ პოლიტიკურ აქტორებს და მათ გარე ლობისტებს და პატრონებს, რომლებიც ამ წლების განმავლობაში ძირს უთხრიდნენ საქართველოში არჩევნებსაც და დემოკრატიასაც.
ეს ოპოზიცია კოალიციაშიც არის, ქოლგის ქვეშაც ნამყოფია, ფანჩატურშიც იყო შეკრებილი, პარლამენტის ბოიკოტსაც ერთად ახორციელებდნენ, ასე რომ, ყველანაირი კოალიცია ამ ოპოზიციას უკვე მოსინჯული აქვს’’, – განაცხადა არჩილ თალაკვაძემ.
ავტორი
მარიამ ხაჩირაშვილი
