პოლიტიკოსების მხრიდან ერთმანეთის მიმართ ლანძღვას, ძაგებას კონკრეტული პოზიცია-შეფასებებით ეხმაურება ანალიტიკოსი არჩილ გამზარდია:
“ჩვენმა პოლიტიკოსებმა ერთი მარტივი წესი ვერ გაითავისეს – საკუთარი უპირატესობის დასამტკიცებლად, სწორედ ეს უპირატესობებია საჩვენებელი და დასამტკიცებელი და არა უბრალოდ კონკურენტის ლანძღვა.
რომელიმე მაღაზიის კონსულტანტიც კი მარტივად აგიხსნით, რატომ უნდა შეიძინოთ მის მაღაზიაში და არა სხვაგან, ისე, რომ სულ არ დაიწყებს კონკურენტების ძაგებას.
პოზიციონირება, როგორც პოლიტიკური მარკეტინგის ხერხი, სწორედ ამომრჩევლის საკუთარ უპირატესობებში დარწმუნებაა.
ჩვენ კი ვხედავთ პოლიტიკუფი ჯგუფების მიერ მხოლოდ სხვების ძაგებას, სადაც თავად საერთოდაც არ მოჩანან უკეთესებად.
ვინ რჩება ამ დროს მოგებული? – დიახ, მხოლოდ ბაზრის უმთავრესი დომინანტი ანუ ხელისუფლება.
თავად რითი ხართ უკეთესები, ეგ აჩვენეთ, რას მიმტკიცებ, რითია სხვა უფრო უარესი, რა აზრი აქვს?!“, – წერს ფეისბუქის პირად გვერდზე არჩილ გამზარდია.