“გამარჯვების კოალიცია” საზოგადოების წარმომადგენლებს შეხვდა და დისკუსია გამართა ქვეყანაში არსებულ მდგომარეობასთან დაკავშირებით. აღნიშნულთან დაკავშირებით პარლამენტის ფრაქციის ,,ერთიანი ნაციონალური მოძრაობა – ძალა ერთობაშიას” თავმჯდომარე თინათინ ბოკუჩავა ჟურნალისტებთან კომენტარს აკეთებს და ხელისუფლების ცვლილების აუცილებლობაზე მიუთითებს:
,,ჩვენთვის ძალიან მნიშვნელოვანია საერთო ძალისხმევით შევცვალოთ ხელისუფლება, რადგანაც ეს არის ქართველი ხალხის აბსოლუტური უმრავლესობის ნება. იმიტომ, რომ ვხედავთ, ივანიშვილის 12 წლიანი მმართველობის პირობებში ეკონომიკა მუშაობს მხოლოდ ივანიშვილის და მისი კორუმპირებული გარემოცვის სასარგებლოდ, მაგრამ ჩვეულებრივი მოქალაქეებისთვის იზრდება მხოლოდ ფასები და იზრდება სიღარიბე.
ეს არის ის რეალობა, რომელიც უნდა შევცვალოთ, ჩვენი ქვეყანა უნდა შევიყვანოთ ევროკავშირში და სწორედ ევროკავშირში გაწევრიანებით შევძლებთ, რომ შევქმნათ ღირსეული მაღალანაზღაურებადი სამუშაო ადგილები და ჩვენი ქვეყნის ეკონომიკური წინსვლა და სტაბილურობა გავხადოთ შეუქცევადი. ეს არის ჩვენი ამოცანა და ვაპირებთ, ძალიან დიდი ძალისხმევა ჩავდოთ იმაში, რომ ეს ჩვენი ცვლილებების გეგმა ჩავიტანოთ საქართველოს ყველა კუთხეში და საქართველოს თითოეულ მოქალაქემდე“, – განაცხადა თინათინ ბოკუჩავამ.
ავტორი
მარიამ ხაჩირაშვილი
