“ზურაბიშვილი ტრიბუნას თავისი ეგოს დასაკმაყოფილებლად გამოიყენებს” – ირაკლი ქადაგიშვილი

საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი ჟურნალისტებთან კომენტარს აკეთებს საქართველოს პრეზიდენტის, სალომე ზურაბიშვილის მიუნხენის კონფერენციაში მონაწილეობასთან დაკავშირებით:

,,ზურაბიშვილი ტრიბუნას კიდევ ერთხელ გამოიყენებს თავისი ეგოს დასაკმაყოფილებლად. ის იქნება გაბრაზებული მთელ საქართველოზე და რა თქმა უნდა, ამის პერსონიფიცირებას საქართველოს ხელისუფლებაზე უაღრესად ნეგატიური გამოსვლით გააკეთებს.

[მიუნხენის კონფერენცია] ეს არის არასამთავრობო ორგანიზაცია, კარგად რომ ვიცოდეთ, ეს არ არის ოფიციალური სახელმწიფო სტრუქტურა. ეს არის, ასე ვთქვათ – ერთგვარი პლატფორმა.

რატომ მიდის ზურაბიშვილი? მას იქ ეს ფონი მომზადებული ხვდება, რომ მან უნდა გააგრძელოს იქ საქართველოს წინააღმდეგ მთელი რიგი გზავნილების გაჟღერება“, – განაცხადა ირაკლი ქადაგიშვილმა

ინფორმაციისთვის: საქართველოს პრეზიდენტი აღნიშნულ კონფერენციაზე ვიზიტს ხელისუფლების თანხმობის გარეშე ახორციელებს, ხოლო მთავრობას კონფერენციაზე წარმოადგენს საგარეო საქმეთა მინისტრი, ილია დარჩიაშვილი.

ავტორი
ნინი ხიჯაკაძე