“ქალბატონი სალომე ზურაბიშვილი, აგერ უკვე სასამართლომაც დაადასტურა, რომ არღვევს კონსტიტუციას და აგრძელებს ამ მავნე პრაქტიკას” – ბექა დავითულიანი

პარლამენტის ფრაქცია ,,ქართული ოცნების’” თავმჯდომარის მოადგილე, ბექა დავითულიანი ჟურნალისტებთან კომენტარს აკეთებს საქართველოს პრეზიდენტის, სალომე ზურაბიშვილის, მიუხენის უსაფრთხოების კონფერენციაზე დაგეგმილ ვიზიტთან დაკავშირებით და მას საკონსტიტუციო სასამართლოს გადაწყვეტილებას შეახსენებს:

,,ქალბატონი სალომე ზურაბიშვილი, აგერ უკვე სასამართლომაც დაადასტურა, რომ არღვევს კონსტიტუციას და აგრძელებს ამ მავნე პრაქტიკას, რომ დაარღვიოს კონსტიტუცია, თუმცა ჩვენთვის ეს სიახლე აღარ არის და აღარავის აღარ გვიკვირს.

არავითარი მოლოდინი პრეზიდენტის მხრიდან არაფრის მიმართ არ გვაქვს. ერთადერთი მოლოდინი, რაც გამაჩნია ამ პრეზიდენტთან მიმართებით არის ის, რომ შეკრებს რადიკალურ ოპოზიციას, გახდება მათი შტაბის უფროსი არაფორმალური და ამ პლატფორმას პრეზიდენტის ინსტიტუტს გამოიყენებს არჩევნების დისკრედიტაციისთვის. იმიტომ, რომ აპრიორი ახლავე იცის, რომ ეს ოპოზიცია ამ არჩევნებს წააგებს’’, – განაცხადა ბექა დავითულიანმა.

ავტორი
მარიამ ხაჩირაშვილი