საქართველოს პრეზიდენტ სალომე ზურაბიშვილის მიერ ოპოზიციის მიმართ გაჟღერებული ინიციატივა/შეთავაზების შემდეგ, რომ მოხდეს კოორდინაცია, დაიწყო შეხვედრები და მსჯელობები პრეზიდენტის ადმინისტრაციაში, რასაც ირონიული შეფასებებით ეხმაურება საფინანსო საბიუჯეტო კომიტეტის თავმჯდომარის მოადგილე, ირაკლი ზარქუა:
,,შალოს ფანჩატურს რა ბედიც ეწია, ის ბედი ეწევა ამ ფანჩატურსაც. რატომ? იმიტომ, რომ განსახვავებული ღირებულების, მორალის, პრინციპების, მიზნების და ამოცანების გაერთიანება ხდება.
მე თუ მკითხავთ, ჩვენ გვაწყობს, ქართულ საზოგადოებას, უმრავლესობას გვაწყობს. რატომ? იმიტომ, რომ არჩევანი მარტივია, როდესაც ეს ხელმოცარულები და რადიკალები ყველა ერთად გაერთიანდებიან ერთი ფანჩატურის ქვეშ და აქეთ იქნება ,,ქართული ოცნება’’, რომელიც არის სიმბოლო მშვიდობის, ეკონომიკური ზრდის და ევროინტეგრაციის. ეს არის ჩვენთვის მნიშვნელოვანი.
დიდი მოლოდინები არ გვაქვს, თვითონაც ეგრე არიან, არ აქვთ დიდი მოლოდინები, იციან, რომ შეიკრიბებიან, ერთმანეთს შესჩივლებენ, ერთმანეთს გალანძღავენ, ერთმანეთს შეაქებენ და დაიშლებიან’’, – განაცხადა ირაკლი ზარქუამ.
ავტორი
მარიამ ხაჩირაშვილი
