“თითქმის ერთი კვირაა ვისმენთ მთავრობის წევრების გამოსვლას, პრემიერ-მინისტრობის კანდიდატის გამოსვლას და ვსვამთ კონკრეტულ კითხვას – რა გეგმა აქვს მთავრობას დასაქმებასთან დაკავშირებით და ასეთი გეგმა არ არის ბუნებაში”, – ამის შესახებ “სტრატეგია აღმაშენებლის” გენერალურმა მდივანმა, პაატა მანჯგალაძემ პარლამენტში სიტყვით გამოსვლისას განაცხადა.
ოპოზიციონერმა ლიდერმა “ოცნების” განვითარების ტემპი გააკრიტიკა და აღნიშნა, რომ მსგავსი მოცემულობით სიღარიბისა და უმუშევრობის დამარცხება შეუძლებელია.
მანჯგალაძე სიტყვით გამოსვლისას საარჩევნო კოდექსში შესატან ცვლილებებსაც შეეხო და თქვა, რომ ვენეციის კომისიის მოთხოვნით, ცვლილებები პოლიტიკურ კონსესუსზე უნდა იყოს დაფუძნებული:
“თითქმის ერთი კვირაა ვისმენთ მთავრობის წევრების გამოსვლას, პრემიერ-მინისტრობის კანდიდატის გამოსვლას და ვსვამთ კონკრეტულ კითხვას – რა გეგმა აქვს მთავრობას დასაქმებასთან დაკავშირებით და ასეთი გეგმა არ არის ბუნებაში, რასაც ვუსმენთ, თქვენ კმაყოფილი ხართ, თქვით, რომ ეს ტემპები კარგიაო და გამოდის, რომ მოგწონთ ის სიღარიბე, უმუშევრობა, ის, რომ ხალხი ქვეყნიდან გარბის, ამის მოწონებას ნიშნავს ეს და კიდევ უფრო კონკრეტიკაა საჭირო და ჩვენ ხალხმა რაც გვთხოვა იმ საკითხებს ვაყენებთ.
პოლიტიკური კონკურენციის პრობლემა არ გვაქვს და მზად ვართ, ევროკავშირისთვის, საქართველოს ინტერესებისთვის, რაც არის მთავარი პირობა, პოლიტიკურ კონსენსუსზე დაფუძნებული კონსულტაციები, ამ მიმართულებითაც მივიღოთ მონაწილეობა.
ახლა გისვამთ კითხვას – დღეს რომ ბიუროს სხდომაზე საარჩევნო კოდექსში ცვლილებები დაამატეს, ვენეციის კომისიას არ მოსწონს ეს ცვლილებები, თქვენ ვენეციის კომისიას კომპეტენციას უწუნებთ, ასევე ვენეციის კომისიამ გვითხრა, რომ კონსესუსზე დაფუძნებით მიიღეთ გადაწყვეტილებებიო და ახლა ეს ეხმარება, დღეს, რასაც აპირებენ, რომ მთავრობის სხდომაა და იქნებ გავაპაროთ საარჩევნო ცვლილებები, ეს კარგია?
რა აუცილებელია, რა საჩქაროა ამის გაკეთება, რა აუცილებლობაა, რომ დღეს მთავრობის სხდომასთან ერთად გავაპაროთ საარჩევნო ცვლილებები, მართლა ვსვამ კითხვას და ახლა მითხრეს გელათთან დაკავშირებით, გავიგეთ, რომ საპატრიარქომ აიღო პასუხისმგებლობა, მაგრამ დღესაც ჩამოვიდა წყალი და რა გავაკეთოთ? დავანგრიოთ გელათი? დავითობააო დღეს ვთქვით და ამ დროს გელათი ინგრევა და ჩვენ არანაირი რეაქცია არ გვაქვს,” – განაცხადა მანჯგალაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
