პარლამენტის საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი ჟურნალისტებთან კომენტარს აკეთებს, ოპოზიციის გაერთიანების საკითხთან დაკავშირებით:
,,ერთი რამე არის ნათელი – გაერთიანებაზე როცა ვსაუბრობთ, აქ ლაპარაკია ერთ რამეზე: ჩვენ სახეზე გვაქვს ერთიანი, დიდი ,,ნაციონალური მოძრაობის’’ დაშლა-დაქსაქსვის პროცესი.
,,ნაციონალური მოძრაობა’’ უკვე თვითონ ,,ნაციონალური მოძრაობიდან’’ გამოყოფილი სხვადასხვა ჯგუფებისთვისაც გარკვეულწილად კეთროვანი გახდა. ამიტომ ეს სხვადასხვა ჯგუფები, რომლებიც არიან ,,ნაციონალური მოძრაობის’’ ძირძველი წევრები, იდეოლოგები, პროპაგანდისტები და ა.შ. ახლა ცდილობენ, რომ რაღაცნაირად ,,ნაციონალური მოძრაობისგან’’ ერთგვარი დისტანცირება მოახდინონ, რომ ამით სუფთას და ახალის იმიჯი შეიძინონ.
რამდენად გამოუვა ეს ამბავი, რამდენად იქნება პრეზიდენტის, ასე ვთქვათ, საფარველი განსაწმენდელი ადგილი, ამას დრო გვაჩვენებს. მაგრამ გარწმუნებთ, რომ როგორც შალვა ნათელაშვილის ფანჩატური არ გამოდგა საგრილობლად, არც პრეზიდენტის ადმინისტრაცია არ გამოდგება მათთვის განსაწმენდელად’’, – განაცხადა ირაკლი ქადაგიშვილმა.
ავტორები:
ალექსანდრე ლეჟავა
მარიამ ხაჩირაშვილი