საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე ჟურნალისტებთან კომენტარს აკეთებს, თუ რა საკითხებზე მიმართეს შეხვედრის დროს მთავრობის ახალ შემადგენლობას:
,,ქართული ოცნების” მთავრობის შემადგენლობას ოპოზიცია კი არა, მე მგონი, ივანიშვილიც არ უჭერს მხარს. ჩვენ ყველა ის საკითხი დავუსვით, ყველაფერზე პასუხი მოვთხოვეთ, რასაც მოქალაქეები შეხვედრის დროს გვთხოვდნენ.
ჩვენმა მოსახლეობამ დაგვაბარა კონკრეტული კითხვები – რატომ არ შეიქმნა 12 წლის მანძილზე კონკრეტული სამუშაო ადგილები?! რატომ არის კვლავ სიღარიბე?! რატომ შიმშილობენ ბავშვები?! რატომ არის ისტორიული მიგრაცია საქართველოდან?!
იცით, რომ 800 000 ადამიანი წავიდა და 256 000 უარყოფითი სალდო გვაქვს შესვლასა და გამოსვლას შორის. ამ საკითხზე მოვთხოვეთ პასუხი. ირაკლი კობახიძემ ნაწილობრივ აღიარა, რომ ,,დიახ, ეს არის მთავრობის ბრალი“, – განაცხადა პაატა მანჯგალაძემ.
ავტორები:
ალექსანდრე ლეჟავა
ნინი ხიჯაკაძე