პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარის მოადგილე, ლევან ბეჟაშვილი ჟურნალისტებთან კომენტარში ნეგატიურ შეფასებებს აკეთებს ,,ქართულ ოცნებაში’’ განხორციელებულ სამთავრობო ცვლილებებთან დაკავშირებით:
,,ხალხს აწუხებს გაზრდილი სიღარიბე, დაბალი ეკონომიკური შემოსავლები. უფრო მეტი საქართველოს მოქალაქე ფიქრობს საქართველოს დატოვებაზე და საზღვარგარეთ ემიგრაციას.
ამ ეკონომიკური პრობლემების ფონზე, მთავრობის ეს შემადგენლობა, რომელიც წარმოდგენილია, აბსოლუტურად უსუსური არის. კობახიძეს არ აქვს ის კვალიფიკაცია, რომელიც გამოადგება მას ქვეყნის ეკონომიკური პრობლემების მოგვარებაში.
ამიტომ ბუნებრივია, ჩვენგან ნდობა ვერ ექნება, ამ მთავრობის შემადგენლობას, რომელიც პრაქტკულად არ იცვლება, მხოლოდ და მხოლოდ ერთი ადამიანი იცვლება.
ოპოზიციური ფრაქციების ფორმატის შეხვედრისას დავსვამთ იმ კითხვებს, რომელიც აქტუალურია საქართველოს მოსახლეობისათვის. მთავრობის ეს შემადგენლობა წარმოადგენს მხოლოდ და მხოლოდ ,,ქოც ელიტის’’ ინტერესებს და არა ხალხის ინტერესებს’’, – განაცხადა ლევან ბეჟაშვილმა.
ავტორი
მარიამ ხაჩირაშვილი
