საქართველოს სახალხო დამცველის მიერ მოწვეულ ექსპერტთა ჯგუფის მიერ მიხეილ სააკაშვილის ჯანმრთელობის მდგომარეობასთან დაკავშირებით გამოქვეყნებულ დასკვნას კონკრეტული შეფასებებით ეხმაურება ანალიტიკოსი ზაალ ანჯაფარიძე:
“ექს-„ომბუდსმენ“ ნინო ლომჯარიას მიერ სპეციალურად სააკაშვილისთვის შექმნილი “სამედიცინო(პოლიტიკური) კონსილიუმი,” რომ იტყვიან თავის სტიქიაშია და მორიგ დასკვნაში ისევ ცდილობს რამენაირად ხელი შეუწყოს სააკაშვილის საქართველოდან გაყვანის კამპანიის გაგრძელებას.
დღეს უკრაინიდან მოვისმინეთ მორიგი შეძახილები სააკაშვილის გათავისუფლებაზე. აქ რომ გზავნიდნენ რევოლუციის მოსაწყობად, ეტყობა მაშინ არ ფიქრობდნენ, რომ მის გათავისუფლებაზე მოუწევდათ ზრუნვა.
კონსილიუმის დასკვნა, რომ „სააკაშვილის ჯანმრთელობის მდგომარეობა მყარი დადებითი პროგნოზის გაკეთების საშუალებას არ იძლევა.“ აქცენტს აკეთებს სააკაშვილის შფოთვა-დეპრესიაზე.
დამისახელეთ პატიმარი საქართველოში თუ სხვაგან, რომელიც თავისუფლების აღკვეთის პირობებში თავს ფსიქოლოგიურ კომფორტში გრძნობს?
ისე, ასეთი მძიმე ფსიქონევროლოგიური სტატუსის მქონე სააკაშვილს, რომელსაც კონსილიუმის დასკვნით მეხსიერებაც დაქვეითებული აქვს, რა ესაქმება პოლიტიკაში?“, – წერს ფეისბუქის პირად გვერდზე ზაალ ანჯაფარიძე.
