“ნანახი გვაქვს ძალიან ბევრი გაყალბებული ოქმი ე.წ. “გამწვანებული უბნები”, სადაც ოპოზიციის კომისიის წევრები ხელს აწერენ ამ ოქმებს” – ნიკა გვარამია

,,მთავარი არხის’’ დამფუძნებელი, ნიკა გვარამია ჟურნალისტებთან კომენტარში წინა არჩევნების დროს მომხდარ გაყალბებებზე საუბრობს და 2024 წლის არჩევნებისთვის ყოველივეს გათვალისწინების აუცილებლობაზე ამახვილებს ყურადღებას:

,,ნანახი გვაქვს ძალიან ბევრი გაყალბებული ოქმი ე.წ. ,,გამწვანებული უბნები’’, სადაც ოპოზიციის კომისიის წევრები ხელს აწერენ ამ ოქმებს.

ზოგი შეცდომით და არაკომპეტენტურობის გამო, ზოგი იმის გამო, რომ დაინტერესება აქვს. ამიტომ ამ მიმართულებით ოპოზიციას მართებს მუშაობა, განსაკუთრებით იმათ, ვისაც კომისიის წევრები ჰყავს.

სადამკვირვებლო მისიის ჩამოსვლა, რაც შეიძლება დიდი მოცულობით არის ძალიან მნიშვნელოვანი. ასევე შეფასების ადეკვატურობა არის ძალიან მნიშვნელოვანი იმიტომ, რომ ყოველთვის ადეკვატური ეს შეფასებები, რბილად რომ ვთქვათ არ იყო ან იყო ზედმეტად რბილი’’, – განაცხადა ნიკა გვარამიამ.

ავტორი
მარიამ ხაჩირაშვილი