“ზურაბიშვილმა თუ დატოვა თანამდებობა არა ივანიშვილის ზეწოლის გამო, არამედ იმის გამო, რომ მას გააჩნია პრეტენზია ისევ იყოს ხელისუფლებაში” – ნიკა ჩიტაძე

საერთაშორისო სწავლების კვლევითი ცენტრის დირექტორი, ექსპერტი საერთაშორისო და უსაფრთხოების საკითხებში, პოლიტოლოგი ნიკა ჩიტაძე სააგენტო ,,პარალელთან“ ინტერვიუში საუბრობს საქართველოს პრეზიდენტის, სალომე ზურაბიშვილის შესაძლო პოლიტიკურ გადაწყვეტილებებთან დაკავშირებით:

,,ივანიშვილი პრეზიდენტს ასე ვერ გადააყენებს, როგორც ვერ გადააყენა მარგველაშვილი. უბრალოდ მოხდება პრეზიდენტის შევიწროება, როგორც ეს ხდებოდა მარგველაშვილთან მიმართებაში. დღეს გაგრძელდება ზურაბიშვილის შევიწროება.

ზურაბიშვილმა თუ დატოვა თანამდებობა არა ივანიშვილის ზეწოლის გამო, არამედ იმის გამო, რომ მას გააჩნია პრეტენზია ისევ იყოს ხელისუფლებაში. ამ შემთხვევაში, შეიძლება თავის პარტია შექმნას ან რომელიმე ოპოზიციურმა გუნდმა ის წარადგინოს თავმჯდომარედ. ამით რეიტინგი კონკრეტული პარტიის აიწევს.

თუ მან დატოვა თანამდებობა არჩევნებამდე ცოტა ხნით ადრე, ძირითადი მიზეზი სულ სხვა იქნება – არა მოთხოვნა ივანიშვილის მხრიდან, პრეზიდენტი დღეს არ ექვემდებარება ივანიშვილს, თუმცა, ამის გამო არის, რომ პრეზიდენტსა და მის ინტიტუტებზე ახდენენ ზეწოლას“, – განაცხადა ნიკა ჩიტაძემ.

ავტორი
ნინი ხიჯაკაძე