საერთაშორისო სწავლების კვლევითი ცენტრის დირექტორი, ექსპერტი საერთაშორისო და უსაფრთხოების საკითხებში, პოლიტოლოგი ნიკა ჩიტაძე სააგენტო ,,პარალელთან“ ინტერვიუში საუბრობს მმართველ პარტიაში განხორციელებულ საკადრო ცვლილებებთან დაკავშირებით:
,,პირველ რიგში – არაფორმალური მმართველობა გრძელდება!
საკადრო ცვლილებებს, რაც შეეხება – ამ შემთხვევაში, ბიძინა ივანიშვილი აღიარებს, რომ ის უფრო ენდობა ირაკლი კობახიძეს და მეტად სანდო ადამიანი მისთვის, ვიდრე ირაკლი ღარიბაშვილი. იმიტომ, რომ ირაკლი ღარიბაშვილის გადაწყვეტილებები, თუნდაც, კორუფციულ გარიგებები, მგზავრობა ამერიკაში 34 000 ევროდ, ცოლისთვის ტყის მასივის გადაცემა ბაკურიანში, ეს მოხდა ივანიშვილისგან შეუთანხმებლად. ამიტომაც ივანიშვილმა ჩათვალა, რომ ამ შემთხვევაში, ღარიბაშვილი მას ბოლომდე არ ემორჩილება.
მართალია, ყოველი ფეხის ნაბიჯზე ის გაიძახის ,,მადლობა ბატონ ბიძინას“, მაგრამ, რეალურად, თან მადლობას იხდის, ან, ვთქვათ, აკეთებს თავისთვის სასარგებლო საქმეს. ეს არის ივანიშვილისთვის მიუღებელი. ამიტომაც ის თვლის, რომ კობახიძე მისთვის უფრო სანდო ადამიანია.
აქედან გამომდინარე, შემდგომში ამას მოჰყვება, ალბათ, ღარიბაშვილის კადრების ჩამოცილება ხელისუფლებიდან, მათ შორის, როგორც აღმასრულებელი ხელისუფლებიდან, რამდენიმე მინისტრის წარდგენა არ მოხდება, როდესაც პარლამენტმა ახალ მთავრობას უნდა გამოუცხადოს ნდობა და გარკვეულწილად, მერე დაიწყება ღარიბაშვილის კადრებზე ნადირობა.
საპარლამენტო სიაში, ალბათ, ჩასვამენ უფრო კობახიძესთან, უშუალოდ ივანიშვილთან დაახლოებულ ადამიანებს და არა ღარიბაშვილთან დაახლოებულებს.
რაც შეეხება იმ ფაქტს, რომ ღარიბაშვილი გადაიყვანეს პარტიის თავმჯდომარედ, ივანიშვილს არ სურს იმის აღიარება, რომ ღარიბაშვილი მას ბოლომდე არ ექვემდებარება და კი დანიშნავენ პარტიის თავმჯდომარედ, მაგრამ ამ შემთხვევაში პარტიაში არანაირი ძალაუფლება არ ექნება. რეალური ძალაუფლება აქვს ივანიშვილს, როგორც ე.წ. საპატიო თავმჯდომარე ნიშნავს/ათავისუფლებს პრემიერ-მინისტრებს და ა.შ. და ა.შ.“, – განაცხადა ნიკა ჩიტაძემ.
ავტორი
ნინი ხიჯაკაძე
