საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე ჟურნალისტებთან პოლიტიკურ შეფასებას აკეთებს ,,ქართული ოცნების” მმართველობის პერიოდში, რეფორმების გატარების თვალსაზრისით, არსებულ რეალობასთან დაკავშირებით:
,,დღისით-მზისით ყველა ვხედავთ, რომ არცერთი ფუნდამენტური რეფორმა, რომელიც საქართველოში უნდა ჩატარებულიყო, ჩატარებული არ არის.
აი, მარტივ კითხვას დავსვამ – 12 წელია არიან ხელისუფლებაში, ვინმეს თუ შეუძლია დაასახელოს ,,ქართული ოცნების” 3 რეფორმა, რომელიც მსოფლიოში იქნება ბრენდი?!
მიზანმიმართულად მიდის ამ ადამიანების დემონიზება, ჩვენი არასამთავრობო ორგანიზაციების წარმომადგენლების. ეს არის კლასიკური ნიმუში, თავისი ბრალი გადააბრალონ სხვას“, – განაცხადა პაატა მანჯგალაძემ.
ინფორმაციისთვის: ჩატარებული კვლევების შედეგად, “აღმოსავლეთ პარტნიორობის ინდექსით”, საქართველოს არ აქვს სახარბიელო შედეგები – აღნიშნავენ ოპოზიციისა და საქართველოს არასამთავრობო ორგანიზაციების წარმომადგენლები და მიუთითებენ, რომ კვლევებში უმრავლეს კომპონენტში საქართველოს უსწრებენ მოლდოვა და უკრაინა, ერთ კომპონენტში სომხეთიც.
ავტორი
ნინი ხიჯაკაძე
