საქართველოს პარლამენტის წევრი, ,,სტრატეგია აღმაშენებლის” გენერალური მდივანი, პაატა მანჯგალაძე ჟურნალისტებთან კომენტარს აკეთებს 2024 წლის საპარლამენტო არჩევნებში მოგების შემთხვევაში, რა უნდა იყოს ოპოზიციის მთავარი სამოქმედო გეგმა:
,,ყველას, ოპოზიციად ვინც თვლის თავს და ნამდვილად პროდასავლური ოპოზიციაა, ვუსურვებ წარმატებას! ჩვენ, ,,გამარჯვების კოალიცია” მათ კონკურენტებად არ განვიხილავთ. უკეთესია, რაც უფრო მეტი ვიქნებით.
ერთი რამე ვიცოდეთ, ამ ქვეყნის მთავარი პრობლემა არის ,,ქართული ოცნება” და ჩვენ, ქართველ ხალხთან ერთად, საქართველოს მოვუტანთ წარმატებას! რაში მდგომარეობს წარმატება? – გამარჯვებისთანავე შევასრულებთ 9-ვე პირობას და ამავე 4 წლის ვადაში საქართველო დაიწყებს გაწევრიანებაზე დაჩქარებული წესით მოლაპარაკებას.
ეს არის ძალიან მნიშვნელოვანი. ეს იქნება ძალიან დიდი გამარჯვება. ჩვენ არ ავყვებით ,,ქართულ ოცნებას” დაგეშვის და ზიზღის რიტორიკაში“, – განაცხადა პაატა მანჯგალაძემ.
ავტორი
ნინი ხიჯაკაძე
