საქართველოს მე-3 პრეზიდენტის, მიხეილ სააკაშვილის ინიციატივით შექმნილი ჰუმანიტარული მხარდაჭერის პროექტის ფარგლებში შეხვედრა სამეგრელოში, ენგურის ხიდთან გაიმართა. თემასთან დაკავშირებით კომენტარი გააკეთა პროექტის კოორდინატორმა, თბილისის საკრებულოს ფრაქცია ,,ერთიანი ნაციონალური მოძრაობის” წევრმა, სოფო ჯაფარიძემ:
,,ხედავთ, რომ აფხაზეთიდან გადმოდიან ჩვენი მოქალაქეები, რომლებსაც ძალიან სჭირდებათ დღეს ჩვენი მხარდაჭერა და გვერდში დგომა. იცით, რომ რუსეთის მიერ ოკუპირებულ აფხაზეთის ტერიტორიაზე ჯანდაცვა ძალიან მძიმე და სავალალო მდგომარეობაშია. ენგურს მიღმა ჩვენი, საქართველოს მოქალაქეები არიან ძალიან მძიმე მდგომარეობაში, სრულიად მიტოვებულები…
დღევანდელი დღით არ დასრულდება ჩვენი აქცია. მე ვუზრუნველყოფ, რომ მუდმივი კონტაქტი და კომუნიკაცია იყოს ჩვენს ექიმებსა და მათ შორის იმიტომ, რომ მათ ეს ძალიან სჭირდებათ.
დღეს ვართ ჩვენ აქ და მთელი დღის განმავლობაში უპირობო მხარდაჭერას ვუცხადებთ მათ“, – განაცხადა სოფო ჯაფარიძემ.
ავტორი
ნინი ხიჯაკაძე
