საქართველოს პრემიერ-მინისტრი, ირაკლი ღარიბაშვილი ჟურნალისტებთან კომენტარს აკეთებს 2024 წლის საპარლამენტო არჩევნებთან დაკავშირებით:
,,დღეს რომ არჩევნები იყოს, ,,ქართული ოცნება” მინიმუმ 60%-ს აიღებდა. ჩვენ არჩევნებზე, რა თქმა უნდა, არ ვნერვიულობთ. თუმცა ვემზადებით, რომ მივიღოთ მაქსიმალური შედეგი, რომელიც ჩვენს ქვეყანას სჭირდება, ისევ ჩვენ ხალხს, რომ ეს მშვიდობა, სტაბილურობა და სწრაფი ეკონომიკური განვითარება გაგრძელდეს.
რაც შეეხება ჩვენს ხელმოცარულ ოპოზიციას და ასე ვთქვათ, მათ უსუსურ მცდელობას, რომ რაღაც ახალი შესთავაზონ საზოგადოებას, – ჩვენ კარგად ვიცით, რომ ეს ყველაფერი არის სიცრუე. ეს არის ტყუილი! ქართველი ხალხი ძალიან კარგად ხედავს და მათ კარგად იციან, ვის რა წარსული აქვს, კარგად იციან, რომ არავითარი მესამე ძალა არ არსებობს დღეს ქვეყანაში.
არსებობს ჩვენი პოლიტიკური ძალის და საბოლოო ჯამში, ჩვენი ქვეყნის და ხალხის მოწინააღმდეგე ძალა, – ,,ერთიანი ნაციონალური მოძრაობის” ან ,,ახალი ნაციონალური მოძრაობის”, როგორიც არის, მაგალითად, ხაზარაძის გაერთიანება ან სხვები, სხვა პატარა ,,ლუზერების”, რომლებიც ცდილობენ, რომ გაერთიანდნენ და ამით გადალახონ 5%-იანი ბარიერი“, – განაცხადა ირაკლი ღარიბაშვილმა.
ავტორი
ნინი ხიჯაკაძე
