,,ერთიანი ნაციონალური მოძრაობის” თავმჯდომარე, ლევან ხაბეიშვილი პარტიის ოფისში გამართულ საგანგებო ბრიფინგზე განცხადებას აკეთებს Council of Europe anti-torture committee (CPT)-ის დასკვნასთან დაკავშირებით:
,,ევროპის წამების საწინააღმდეგო კომიტეტმა კიდევ ერთი დასკვნა დაწერა პრეზიდენტ სააკაშვილზე, სადაც მთავარი შინაარსი იკვეთება, იკითხება და ამბობენ, რომ მჩაგვრელი და დამამცირებელი მოპყრობაა პრეზიდენტ სააკაშვილის წინააღმდეგ. ამაზე მეტს ევროპული წამების საწინააღმდეგო კომიტეტი ვერ დაწერს დოკუმენტში, სადაც პირდაპირ არის მითითებული, რომ მის წინააღმდეგ განხორციელებული ღონისძიებები გათანაბრებულია დაჩაგვრასთან, დამცირებასთან.
მეტიც ისინი ამბობენ, რომ ,,ვივამედის” ექიმები კი არ ღებულობენ გადაწყვეტილებასო, ექიმებთან კი არ გვაქვს ჩვენ ეს შეკითხვაო, პენიტენციური დაწესებულება, ანუ სუს-ი ღებულობს კონკრეტულ გადაწყვეტილებასო“. სუს-ი, ბიძინა ივანიშვილი, რუსული პარტია ღებულობს გადაწყვეტილებებს და არა ექიმებიო. ეს უკვე დამატებითი პრობლემაა პრეზიდენტ სააკაშვილის წინააღმდეგ განხორციელებული დანაშაულებრივი ქმედებების.
მე მინდა მივმართო რუს ოლიგარქს, შეშინებულს, სოროდან გამომძვრალ ბიძინა ივანიშვილს, რომელიც ამბობს, რომ მაგარი და ძლიერია, ხალხის მხარდაჭერა აქვს – თუ არ გეშინია, თუ მუხლები არ გიკანკალებს, მაშინ გაათავისუფლე პრეზიდენტი სააკაშვილი, რომელზეც სრულიად ცივილიზებული სამყარო შეთანხმებულია, რომ პოლიტიკური პატიმარია და მიეცით შესაძლებლობა ელაპარაკოს მის ხალხს“, – განაცხადა ლევან ხაბეიშვილმა.
ავტორი
ნინი ხიჯაკაძე
