“დეზინფორმაცია და აჟიოტაჟი არის ატეხილი და უნდათ წარმოაჩინონ, რომ თითქოსდა კორუფციასთან მიმართებაში ქვეყანაში არის მძიმე სიტუაცია” – გივი მიქანაძე

პარლამენტის განათლებისა და მეცნიერების კომიტეტის თავმჯდომარე, გივი მიქანაძე ჟურნალისტებთან კომენტარს აკეთებს, ამერიკის სახელმწიფო დეპარტამენტის მაღალჩინოსნის, რიჩარდ ნეფის ვიზიტთან დაკავშირებით. აღნიშნულ ვიზიტთან დაკავშირებით ოპოზიციასა და არასამთავრობო სექტორში კეთდება შეფასება-მინიშნებები, რომ ქვეყანაში კორუფციის მაღალი დონეა და ანტიკორუფციული ბიუროს საქმიანობა არაეფექტურია:

,,ზუსტად ანალოგიური მცდელობა, დეზინფორმაცია და აჟიოტაჟი არის ახლა ატეხილი და უნდათ წარმოაჩინონ, რომ თითქოსდა რაღაც კორუფციასთან მიმართებაში ქვეყანაში არის მძიმე სიტუაცია.

ამ კონტექსტში უნდათ, რომ ინსტიტუტებზეც მიიტანონ შეტევა და ამ შემთხვევაში მიზანში ყავთ ამოღებული ანტიკორუფციული ბიურო, რომელიც წელიწადზე ოდნავ მეტია, რაც ფუნქციონირებს, მაგრამ საკმაოდ ეფექტიანად.

ვფიქრობთ, რომ ეს ვიზიტი ძალიან კარგი იქნება ორმხრივი თანამშრომლობის გაღრმავებისთვის’’, – განაცხადა გივი მიქანაძემ.

ავტორი
მარიამ ხაჩირაშვილი