საქართველოს მთავრობის განკარგულებით 2024 წლის 1-ელი იანვრიდან საქართველოში შემზღუდავი ნორმა ამოქმედდა, რომლის შედეგადაც, 2013 წლამდე გამოშვებული ავტომობილების იმპორტი აიკრძალა. გარემოს დაცვისა და სოფლის მეურნეობის სამინისტროსთან მოლაპარაკების შედეგად, დარგმა საშუალო სტატიკურად 4-5 მლნ დოლარის ღირებულების ზიანს აარიდა თავი:
,,2013 წლამდე წარმოებული ავტომობილების აკრძალვის შემდეგ, გარემოს დაცვისა და სოფლის მეურნეობის სამინისტროსთან მოლაპარაკების შედეგად, მივაღწიეთ იმ შეთანხმებას, რომ ის ავტომობილები, რომლებიც 2023 წლის 1 დეკემბრამდე ჩაიტვირთა კონტეინერში და გზაშია, მოქმედი კანონმდებლობით გათვალისწინებული ნორმებით ჩვეულებრივ გაივლიან რეგისტრაციას.
საუბარია დაახლოებით 1500 ერთეულ სატრანსპორტო საშუალებაზე.
თუ თითოეული ერთეულის საშუალო ფასს 3 000$ განვსაზღვრავთ, აღნიშნული შეღავათების შედეგად საქართველოს ავტო იმპორტმა დაახლოებით 4,5 მლნ$ ღირებულების ზიანი აირიდა თავიდან“, – წერს საქართველოს ავტო იმპორტიორთა ასოციაცია.
