“არგუმენტი”, რომ თურმე 11 წელია თანამდებობაზე… თვითონ 12 წელია ხელისუფლებაში არიან და მაშინ უნდა წავიდნენ ხო, მათივე ლოგიკით ვამბობ – ანა ბუჩუკური ხელისუფლებაზე

საპარლამენტო პოლიტიკური ჯგუფის ,,საქართველოსთვის” წევრი, ანა ბუჩუკური ჟურნალისტებთან კომენტარში კონკრეტულ მინიშნებას აკეთებს საქართველოს პარლამენტის ეროვნული ბიბლიოთეკის გენერალური დირექტორის, გიორგი კეკელიძისთვის თანამდებობის დატოვების შეთავაზებასთან დაკავშირებით:

,,არგუმენტი’’, რომ თურმე 11 წელია თანამდებობაზე… თვითონ 12 წელია ხელისუფლებაში არიან და მაშინ უნდა წავიდნენ ხო? – მათივე ლოგიკით ვამბობ.

ამიტომ, არანაირი ლოგიკური დასაბუთება და არგუმენტაცია არ მოგვისმენია, საზოგადოებისთვის არ აუხსნიათ, ამიტომ აბსოლუტურად ბუნებრივად ჩნდება ეჭვები, დასაბუთებული ეჭვები და ვარაუდები, პოლიტიკურ მოტივაციასთან დაკავშირებით’’, – განაცხადა ანა ბუჩუკურმა.

ინფორმაციისთვის: გიორგი კეკელიძემ, სოციალურ ქსელში გამოქვეყნებულ პოსტში, აღნიშნა, რომ მას დაკავებული თანამდებობიდან ათავისუფლებენ და იქვე მიუთითა, თუ თანამდებობიდან დათხოვნის მიზეზად რაც იყო დასახელებული, კერძოდ კი ის, რომ იგი 11 წელია იკავებდა აღნიშნულ თანამდებობას.

ავტორი
მარიამ ხაჩირაშვილი