2024 წელი…
ნაკიანი წელია. ანუ თებერვალში ერთი დღე კიდევ დაემატება კალენდარს – 29 თებერვალი და წლის დღეების რაოდენობა 366 დღით განისაზღვება.
2024 წლის ციფრების ლუწებია, ჯამი კი უდრის 8-ს, ანუ უსასრულობას – ∞ და იქნებ, სრულიად ახალი, უსასრულობის ციკლი იწყება? (“კონკურენციას” გავუწევთ უტოპისტების ლოგიკას და 2024 წელს არითმეტიკულ კომბინაციად წარმოვადგენთ, “ჭეშმარიტების” დადგენის მიზნით – 2+2=4)
აღმოსავლური კალენდრის მიხედვით დრაკონის წელია, თან მწვანე ხის, რაც ერთგვარად უხდება თუ მიესადაგება ახალ ციკლს.
ახალი წლის იანვარში აღნიშვნა მოდის ძველი რომიდან. წლის დასაწყისად 1 იანვარს ჯერ კიდევ ძველი წელთააღრიცხვის მე-2 საუკუნის შუა წლებში ჩაეყარა საფუძველი, ხოლო ძვ.წ.ა. 45 წლიდან ეს თარიღი ახალი წლის დასაწყისად ოფიციალურად იქნა შემოღებული იულიუს კეისრის მიერ. თუმცა ევროპაში, მასობრივად, 1 იანვრის აღნიშვნა ახალი წლის დასაწყისად მხოლოდ მე-16 საუკუნეში დაიწყეს და ეტაპობრივად გავრცელდა სხვადასხვა ქვეყანაში. ხოლო XVII საუკუნიდან, კერძოდ 1622 წლიდან, რომის პაპის კანცელარიის გადაწყვეტილებით, ახალი წლის დასაწყისად 1 იანვარი დადგინდა.
განსხვავებული წყაროების მიხედვით, საქართველოში ახალი წლის დადგომა სხვადასხვა საუკუნეში სხვადასხვა დროს აღინიშნებოდა – აგვისტოში, სექტემბერში, მარტში, ხოლო მე-14 საუკუნიდან აღინიშნება 1 იანვარს.
საახალწლო განწყობის ამაღლებაში გადამწყვეტ როლს თამაშობს ნაძვის ხე, რომელიც სხვადასხვა სათამაშოებითა და ნათურებით განსაკუთრებულ სილამაზეს მატებენ მას და სიხარულს – გარშემომყოფთათვის. ასევე, გადმოცემის თანახმად, საახალწლი/საშობაო ნაძვისხის ტრადიცია გერმანიიდან მოდის ჯერ კიდევ მე-16 საუკუნიდან, რაც შემდეგ მთელს ევროპასა და მსოფლიოში გავრცელდა.
2024 წელი საქართველოში საპარლამენტო არჩევნების წელია, აშშ-სა და რუსეთში – საპრეზიდენტო, ევროკავშირში წელს ევროპარლამენტარებს აირჩევენ, არჩევნებია ბევრ სხვა განვითარებულ თუ ე.წ. მე-3 მსოფლიოს ქვეყნებში.
წელს ზაფხულის ოლიმპიური თამაშები, რიგით 33-ე გაიმართება პარიზში, საფრანგეთში.
წელს, ბრწყინვალე აღდგომა 5 მაისაა!
სააგენტო “პარალელი” გილოცავთ ახალ, 2024 წელს!!!
