საქართველოს პარლამენტის წევრი, ,,სტრატეგია აღმაშენებლის“ თავმჯდომარე, გიორგი ვაშაძე ჟურნალისტებთან კომენტარს აკეთებს ევროკავშირის კანდიდატის სტატუსის მინიჭების შემდგომ ,,ქართული ოცნების” ქმედებებთან დაკავშირებით:
,,ევროკავშირის კანდიდატის სტატუსმაც კი ვერ უშველა ამ ხალხს, პირველივე დღეს პრეზიდენტს როგორ მოექცნენ?!
ეს არის, რომ ისინი თანამშრომლობისთვის არ არიან. არ შეიძლება, რომ ვინმესთან რამე გააკეთო, როცა მეორე მხარეს არ უნდა არაფრის კეთება.
პირველივე დღეს მათ აჩვენეს გახლეჩილობა, დაყოფა… ევროკავშირის კანდიდატის სტატუსი, ევროკავშირის წევრობა რატო გვინდა? იმიტომ, რომ გავერთიანდეთ, ერთიანი ამოცანა დავისახოთ. ისინი ხლეჩენ, ყოფენ, პარტიულ ღონისძიებად აქციეს, რასაც სახალხო ზეიმს ეძახდნენ.
რანაირად წარმოგიდგენიათ ამ ადამიანებმა რამე ნაბიჯი გადადგან თანამშრომლობისკენ?! ჩვენ ეს ხალხი უნდა შევცვალოთ“, – განაცხადა გიორგი ვაშაძემ.
ავტორი
მარიამ ხაჩირაშვილი
