,,გამარჯვების პლატფორმის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე პოლიტიკურ შეფასებას და განმარტებებს აკეთებს იმასთან დაკავშირებით, თუ რა შედეგი შეიძლება დადგეს პრეზიდენტ სალომე ზურაბიშვილის მხრიდან, 2024 წლის საპარლამენტო არჩევნებამდე, თანამდებობის შესაძლო დატოვების შემთხვევაში.
ოპოზიციონერ ლიდერს მიაჩნია, რომ პრეზიდენტის არჩევნები მოხდება ხელისუფლების ცვლილების შემდეგ, როცა 2024 წელს გაიმარჯვებს კოალიცია:
,,ყველაზე მნიშვნელოვანი საკითხი აქ არის შემდეგი – თუ ეს ხდება საპარლამენტო არჩევნებამდე უნდა გვესმოდეს, რომ ეს ნიშნავს – ,,ქოცხმოსნებით” ახალი პრეზიდენტი შეიძლება აირჩიოს ივანიშვილმა 5 წლის ვადით. მე არ მგონია, რომ ,,ქოცხმოსნებს” ამის შესაძლებლობა უნდა მივცეთ.
დღევანდელი კონსტიტუციით, სამწუხაროდ, ,,ქართულმა ოცნებამ” წაართვა ქართველ ხალხს უფლება, რომ პირდაპირ აირჩიოს შემდგომი პრეზიდენტი. ქართველ ხალხს ჯერჯერობით ,,ქოცხმოსნები” ირჩევენ.
დიდი კოალიციური გამარჯვება რომ მოხდება 2024 წლის არჩევნებში, ამის შემდგომ, ხალხის ნებით კოალიციურ რეჟიმში აირჩევენ ის პოლიტიკური ჯგუფები, ვინც იქნება პარლამენტში და რეგიონებში უმრავლესობაში წარმოდგენილი. მე ვფიქრობ, რომ მნიშვნელოვანია ესეც, მათ შორის განხორციელდეს, რომ საქართველოში საბოლოო დეოლიგარქიზაცია მოხდეს“, – განაცხადა გიორგი ვაშაძემ.
ავტორი
ნინი ხიჯაკაძე
