იუსტიციისა და განათლების ყოფილი მინისტრი, “მთავარი არხის” დამფუძნებელი, ნიკა გვარამია თავის პოზიციას ფიქსირებს გერმანიის კანცლერს, ოლაფ შოლცსა და უნგრეთის პრემიერ-მინისტრს შორის მომხდარ ერთგვარ კურიოზულ ფაქტთან დაკავშირებით:
“ის, რაც გუშინ შოლცმა უქნა ორბანს, არის ერთადერთი სწორი და გამართლებული გზა, თუ როგორ უნდა ელაპარაკოს დასავლეთი რუსული მოქმედების მოდუსის ავტოკრატებს.
ამიტომაც დადგა წარმატებული შედეგი! არავითარი დიპლომატიური ენამოჩლექილობა, არამედ “დატოვე ოთახი”!
მადლობა კანცლერ შოლცს ამისთვის! უპირველესად კი ახალი გეოპოლიტიკური ფორმულისთვის – ევროპა არის ლისაბონიდან თბილისამდე!❤️✌🏻“, – წერს ფეისბუქის პირად გვერდზე ნიკა გვარამია.
გავრცელებული ინფორმაციით: ევროკავშირის გაფართოებასთან დაკავშირებით ევროპის საბჭოს გადაწყვეტილების გამოცხადების მომენტში დარბაზში არ იმყოფებოდა უნგრეთის პრემიერ-მინისტრი ვიქტორ ორბანი, რომელსაც გერმანიის კანცლერმა ოლაფ შოლცმა შესთავაზა დარბაზის დატოვება, რომ „ყავა დალიოს“ -უწყება გამოცემა “Politico”.
ასევე, რამდენიმე ოფიციალურის პირის ინფორმაციით – გერმანიის კანცლერმა უნგრეთის პრემიერს, სხვა ლიდერების თანდასწრებით შესთავაზა, რომ – თუ მას ნამდვილად არ სურდა გადაწყვეტილებაზე დათანხმება, შეეძლო დაეტოვებინა ოთახი, რათა ევროკავშირის ლიდერებს, მის არყოფნის დროს, ერთსულოვნად მიეღოთ გადაწყვეტილება.
