“იყო მცდელობა შეეცვალათ ჩვენი ეროვნული იდენტობა, ჩვენი დნმ, ქართველობა და ა.შ.” – ირაკლი ღარიბაშვილი

საქართველოს პრემიერ-მინისტრი განსაკუთრებით ნეგატიურ, მძიმე შეფასებებს აძლევს წინა ხელისუფლების დროს განათლების სისტემაში განხორციელებულ რეფორმებს:

“მას შემდეგ, რაც ქვეყანამ აღიდგინა დამოუკიდებლობა, ძალიან დიდი დარტყმა მიადგა განათლების სისტემას. არაერთი მცდელობა იყო ტრანსფორმაციის, განახლების, განვითარების, მაგრამ შემდეგ იყო ეს ვითომ რეფორმები, 2004 წელს ჩატარებული.

შეიძლება ითქვას, რომ მოანგრიეს მთელი სისტემა და რაღაც ახლებური ხედვა იქნა წარმოდგენილი, რომელიც ემსახურებოდა რაღაც ახალი ექსპერიმენტების ჩატარებას ჩვენს ახალგაზრდებზე. რაღაც ახალი ქართველის, ახალი ადამიანის გამოყვანა სურდათ მათ.

მე ასე ვიტყოდი, რომ, რეალურად, ეს იყო მცდელობა შეეცვალათ ჩვენი ეროვნული იდენტობა, ჩვენი დნმ, ქართველობა და ა.შ., აღარ გავაგრძელებ. ეს იყო აბსოლუტურად გაუაზრებელი ილუზია, უტოპია, რომელიც ძალიან მალე დასრულდა“, – განაცხადა ირაკლი ღარიბაშვილმა.