“ჩვენ ვგმობთ ამ უმძიმეს აქტს, ადამიანის მკვლელობას, თან ძალიან სასტიკი ფორმით” – ირაკლი კობახიძე

პარტია ,,ქართული ოცნება – დემოკრატიული საქართველოს” თავმჯდომარე, ირაკლი კობახიძე ჟურნალისტებთან კომენტარს აკეთებს ოკუპირებულ აფხაზეთში, გალში საქართველოს მოქალაქის მკვლელობის ფაქტთან დაკავშირებით:

,,უმძიმესი თემაა, ბუნებრივია, ოკუპირებულ ტერიტორიებზე ჩვენი თანამოქალაქეების მკვლელობა.

რა თქმა უნდა, ჩვენ ვგმობთ ამ უმძიმეს აქტს, ადამიანის მკვლელობას, თან ძალიან სასტიკი ფორმით. ჩვენ გვაქვს იმედი, რომ საბოლოო ჯამში, ეს დამნაშავეები დაისჯებიან’’, – განაცხადა ირაკლი კობახიძემ.

გავრცელებული ინფორმაციით, საქართველოს ოკუპირებულ ტერიტორიაზე, გალში, ძალოვანებმა საქართველოს მოქალაქე, 43 წლის თემურ კარბაია ქუჩაში სასიკვდილოდ სცემეს.

ავტორი
მარიამ ხაჩირაშვილი