ოპოზიციონერი პოლიტიკოსი, გიგი უგულავა ყოფილი პრემიერ-მინისტრის, პარტია “საქართველოსთვის” თავმჯდომარის, გიორგი გახარიას მიერ ბოლო რამდენიმე დღის განმავლობაში დაფიქსირებულ პოლიტიკურ პოზიციას მწვავე შეფასებებით ეხმაურება:
“ვუსმინე გახარიას ნაკვესებს. ადამიანი, რომელმაც 20 ივნისს დათვის ტყვიებით ხალხისთვის თვალის დათხრაზე პასუხისმგებლობა აიღო, ამბრეზურასავით ეფარება ივანიშვილს (დღემდე!), უტიფრად ამბობს, რომ 7 ნოემბერის საქმეზე სააკაშვილი, თურმე, ციხეში უნდა იყოს, და “არ ესმის რატომ არ გადაყავთ ის საავადმყოფოდან ციხეში”.
ადამიანი, რომელმაც “კოკაინშიკობის” ბრალდების პასუხად, სასამართლოს მიმართ უნდობლობის გამო, შარდი ვენაში აფრინა, თურმე აბსოლუტურად ენდობა სააკაშვილის მიმართ სასამართლოს მსჯავრს!
და ბოლოს, ადამიანი მატყუარა – თურმე ნაცები და ქოცები 50%-ზე ნაკლებს მიიღებენ მომავალ არჩევნებზე. ქოცების გაქრობა, არა მგონი, რომ ჩემზე მეტად სურდეს ნაქოცარ გახარიას, მაგრამ ეს დიდი და მავნე ტყუილია, რომელსაც ეს ივანიშვილის პოლიტიკური ბორტგამყოლი ჰკადრებს ხალხს.
პ.ს. თუ მომავალი კოალიცია შედგა, ის შედგება “ნაცმოძრაობის” მონაწილეობით, მეტიც თაოსნობით. ეს არაა სურვილების სფერო. ეს ემპირიული მოცემულობაა. აი – გახარიაზე, თუ ასე გააგრძელა, რა გითხრათ?! ალბათ, ოცნებას თუ შეუქმნის კოალიციას“, – წერს ფეისბუქის პირად გვერდზე გიგი უგულავა.