პარტია “კანონი და სამართლის” თავმჯდომარე, თაკო ჩარკვიანი ყოფილ პრემიერ-მინისტრს, პარტია “საქართველოსთვის” თავმჯდომარეს, გიორგი გახარიას მწვავედ უპირისპირდება მის მიერ მიხეილ სააკაშვილთან დაკავშირებით დაფიქსირებული პოზიციის გამო:
“ეს თვალების დამთხრელი გახარია, უტიფარი მილიონერი “ჯიგრულ პონტში”, პასუხი რომ არ გაუცია დანაშაულზე – კითხვებზე და თვალების დათხრის გამო, რომ დააჯილდოვეს და დააწინაურეს პრემიერად, (უფრო სწორად, ივანიშვილმა რომ დააწინაურა პრემიერად) მის სახელს რომ უკავშირდება ანაკლიის პროექტის განადგურება და კორუფციული სქემები ფარცხალაძესთან (იხ. ომეგას საქმე ინტერვიუ ოქუაშვილთან) ერთად, რამდენს ბედავს ნახეთ?! ვაბედინებთ!!!“, – წერს ფეისბუქის პირად გვერდზე თაკო ჩარკვიანი.
ინფორმაციისთვის: თავის ვრცელ ინტერვიუში გიორგი გახარიამ მიხეილ სააკაშვილთან მიმართებაში განაცხადა, რომ “მე არ ვთვლი, რომ დღეს პრეზიდენტმა მიხეილ სააკაშვილი უნდა შეიწყალოს“. ასევე, მთავრობის ყოგილი მეთაურის აზრით, “სააკაშვილის გამოშვება ქვეყნის პოლიტიკური პროცესის რადიკალიზაციას გამოიწვევს“…
