“ყველაზე დიდი იმედგაცრუება იყო ის, როდესაც მე გავიაზრე, რომ ამ ადამიანმა ძალაუფლების შენარჩუნება დააყენა უფრო მაღლა, ვიდრე ამ დიდი საჩუქრის გაკეთება ქართველი ხალხისთვის” – გიორგი გახარია ბიძინა ივანიშვილზე

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია youtube-ის საკუთარ პლატფორმაზე ვრცელ ინტერვიუში საუბრობს პარტია ,,ქართული ოცნების” თავმჯდომარის, ბიძინა ივანიშვილის პოლიტიკიდან წასვლის საკითხთან დაკავშირებით:

,,ყველაზე დიდი იმედგაცრუება იყო ის, როდესაც მე გავიაზრე, რომ ამ ადამიანმა ძალაუფლების შენარჩუნება დააყენა უფრო მაღლა, ვიდრე ამ დიდი საჩუქრის გაკეთება ქართველი ხალხისთვის. ეს იყო ყველაზე დიდი იმედგაცრუება და  გადადგომის ყველაზე დიდი არგუმენტი.

როდესაც ივანიშვილმა განაცხადა, რომ ის მიდის პოლიტიკიდან, პოლიტიკას ტოვებს, შესაბამისად, ეს იყო გარკვეული შეთანხმება ჩემსა და მას შორის. ეს იყო იფიციალური განცხადება, რომელიც მან ქართულ საზოგადოებას, ისევე როგორც საერთაშორისო საზოგადოებას განუცხადა. სულ რამდენიმე კვირაში ჩემთვის აბსოლუტურად ნათელი გახდა, რომ ეს ნაბიჯი გადადგმული იყო არა პოლიტიკიდან წასასვლელად, არამედ პოლიტიკაში დასარჩენად.

უკრაინის ომის შემდგომ, ,,ოცნებამ” და ივანიშვილმა სტრატეგიული შეცდომა დაუშვა, როდესაც აბსოლუტურად ღიად და გაუაზრებლად ფსონი რუსეთის სრულ გამარჯვებაზე დადო. ამან იმხელა სტრატეგიული რისკები შეუქმნა საქართველოს, რომლის არშეფასება იყო შეცდომა.

,,ოცნება” არ არის პრორუსი ისევე, როგორც არ არის პროევროპელი, არც პროჩინელია – რამდენ სტრატეგიულ შეთანხმებასაც არ უნდა მოაწეროს. სამწუხაროდ, არც პროქართველია. ,,ოცნება” პროთავისია“, – განაცხადა გიორგი გახარიამ.

ავტორი
ნინი ხიჯაკაძე