,,გამარჯვების პლატფორმის” ერთ-ერთი ლიდერი, ,,სტრატეგია აღმაშენებლის” თავმჯდომარე, პარლამენტის წევრი გიორგი ვაშაძე ,,პალიტრანიუსის” ეთერში მწვავე კომენტარს აკეთებს თბილისში შექმნილ პრობლემებთან, საცობებთან დაკავშირებით, რის გამოც მწვავე შეფასებებს აკეთებს თბილისის მერ კახა კალაძესთან მიმართებაში:
,,კალაძის ამ გაუდაბურებულმა გზებმა ისეთ დღეში ჩაგვაგდეს, რომ მერე საერთოდ ვერ გავივლით.
,,სისტრა” ხომ დაიქირავეს? იცით თქვენ რომ მას უწერია, ,,სადაც 1 სამანქანო გზა რჩება, იქ თურმე ,,Bus Line”-ს გაკეთება არ შეიძლება”. უწერიათ – ანუ ჭავჭავაძეზე, ქეთევან წამებულზე, წერეთელზე რასაც აკეთებენ, პირდაპირ უწერია იმ ,,სისტრას”, რომ ,,ასე არ შეიძლება გაკეთება“, მაგრამ ის მაინც აკეთებს. იმიტომ, რომ ამ ადამიანმა ფეხბურთში ხო ბოლოს თავი იმით დაგვამახსოვრა, რომ 2 გოლი [საკუთარ] კარში გაიტანა და მე მგონი, წერა-კითხვაც არ იცის.
წაიკითხე კახი, წაიკითხე ბიჭო რა დაწერა იმ კომპანიამ.
მე წავიკითხე, სხვებმაც წაიკითხეს, შენც წაიკითხე. რთულია წაკითხვა?! თუ კითხვა არ იცი, გვერდზე დაიყენე, ბევრი ასისტენტი გყავს, წააკითხე, მოუსმინე. ხო შეიძლება, რომ ამ ადამიანმა მართლა არ გააუბედუროს ეს ქვეყანა?!
საცობებმა შეჭამა ეს ქალაქი. ,,გადაჯექი ავტობუსშიო” – ავტობუსში ადგილი არ არის, ,,გადაჯექი მეტროში” – მეტროში ადგილი არ არის. გეკითხებით ახლა, ეს ცხოვრებაა?! კატასტროფაა!“, – განაცხადა გიორგი ვაშაძემ.
ავტორი
ნინი ხიჯაკაძე
