“სტრატეგია აღმაშენებლის” პოლიტსაბჭოს წევრი, განათლების მიმართულების ხელმძღვანელი, ნანა ტოხვაძე განათლების მინისტრს სიცრუეში ადანაშაულებს და პარტიის სახელით მოითხოვს, მასწავლებლებს 2024 წლის იანვრიდან გაეზარდოთ:
“ “ქართული ოცნების” დამსახურებით ინფლაცია, კატასტროფულად გაზრდილი ფასები და სიღარიბე თანაბრად აწუხებს სრულ და არსარულ განაკვეთზე დასაქმებულ მასწავლებლებს.
ჩვენი 17 ნოემბერის წერილს, სადაც იანვრიდანვე საბაზო ხელფასის ზრდას ვითხოვდით ყველა მასწავლებლისთვის, გუშინ მინისტრმა ბრიფინგით უპასუხა და პროპორციულ ზრდას დაპირდა ყველას, თუმცა არც იანვრიდან და არც სექტემბრიდან – კომპრომისულ თარიღად ივლისი დაასახელა, რითაც მორიგი ტყუილი იკადრა.
ცრუ დაპირება უპრეცედენტო სახელფასო პოლიტიკად მონათლა და ახალი ფორმულის წარდგენა დეკემბერში გადაიტანა!
ჩვენი მოთხოვნა უცვლელია – საბაზო ხელფასი, რომელიც 2017 წლის შემდეგ არ გაზრდილა, გაეზარდოს ყველა მასწავლებელს და არა მხოლოდ სრული დატვირთვით მომუშავეებს.
მეორე და მთავარი, მინისტრმა ბოდიში მოუხადოს იმ მასწავლებლებს, რომელთა მოტყუებას არ დასჯერდა და შეურაცხყოფა მიაყენა ათასობით მასწავლებელს, როდესაც ისინი დეზინფორმაციულ აჟიოტაჟში დაადანაშაულა, ლეგიტიმურ მოთხოვნით პეტიციაზე ხელმოწერი მასწავლებლები პოლიტიკურად ანგაჟირებულ პირებად გამოაცხადა.
და რაც მთავარია, მასწავლებლებისთვის ვითხოვთ ხელფასების ზრდას იანვრიდან”, – აცხადებს ნანა ტოხვაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
