,,ლეიბორისტული პარტიის” თავმჯდომარე, შალვა ნათელაშვილი ტვ ,,პირველის” ეთერში, ანა ახალაიას ,,დღის ამბებში” ისტორიულ პარალელს ავლებს ქვეყანაში არსებულ პოლიტიკურ ვითარებასთან მიმართებაში და საუბრობს ალტერნატიულ ვერსიაზე, რომელიც, მისი აზრით, მიმართული იქნება საქართველოს წინსვლისა და განვითარებისკენ:
,,ჩვენ ვსაუბრობდით, რომ სწორი დასკვნები გამოვიტანოთ ისტორიიდან.
საქართველოში მძიმე პრეცედენტი მოხდა აფხაზეთის დაკარგვის ჟამს. მე ვუთხარი კიდევაც ეს შევარდნაძეს – მაშინ შევარდნაძეს და ზვიად გამსახურდიას რომ გაეკეთებინათ განცხადება, რომ პოლიტიკიდან მიდიან და ახალ არჩევნებს მათი მონაწილეობის გარეშე ჩაატარებენ, დამერწმუნეთ, არც სამოქალაქო ომი იქნებოდა, არც აფხაზეთი დაიკარგებოდა, გამსახურდიაც ცოცხალი იქნებოდა და შევარდნაძეც – ბევრად სახელიანი.
არ გააკეთა ეს – არც ერთმა და არც მეორემ. რა თქმა უნდა, ახლა გამსახურდია სხვა ეროვნული პარამეტრი იყო, მაგრამ პრაგმატულ და რეალური პოლიტიკიდან, მათ უარი განაცხადეს.
აი ახლა, მე მოვუწოდებ ბიძინა ივანიშვილს და მიხეილ სააკაშვილს, გააკეთეთ ორივემ ერთობლივი განცხადება, რომ რეალურად პოლიტიკიდან გადიხართ და საქართველოს ტერიტორია ეს 1 წელი დატოვეთ, სანამ არჩევნები ჩატარდება.
თქვენ ნახავთ, ჩვენი ბრძენი ხალხ,ი მსოფლიო საზოგადოების დახმარებით, რა არჩევანს გააკეთებს. იქნება მრავალპარტიული პარლამენტი და კოალიციური მთავრობა“, – განაცხადა შალვა ნათელაშვილმა.
ავტორი
ნინი ხიჯაკაძე
