,,გამარჯვების პლატფორმის” ერთ-ერთი ლიდერი, ,,სტრატეგია აღმაშენებლის” თავმჯდომარე, გიორგი ვაშაძე ტვ ,,პირველის” ეთერში, გადაცემა ,,დღის ამბებში” საუბრობს, თუ რა უნდა იყოს ქვეყნის განვითარებისთვის პრიორიტეტული წინაპირობები:
,,ვარდების რევოლუცია მართლა ეპოქალური მოვლენა იყო. იმიტომ, რომ თანამედროვე ქართული სახელმწიფოს ფუნდამენტი სწორედ მას შემდეგ ჩაისახა. 23 ნოემბერი, მე ვფიქრობ, იყო მნიშვნელოვანი ერთი რამისთვის – გუშინდელი დღე არ იყო მხოლოდ წარსულზე, ეს იყო გახედვა მომავლისკენ, რის გაკეთებას ვაპირებთ, როგორ უნდა გავაკეთოთ ეს ყველაფერი!
პირველ რიგში, ჩვენი, ,,გამარჯვების კოალიციის” მთავარი გზავნილი არის, დაჩქარებული წესით ევროკავშირში გაწევრიანება.
დიახ, ჩვენ გამარჯვებისთანავე, უმოკლეს ვადაში, 9 ყველა წინაპირობას შევასრულებთ და ფუნდამენტურ რეფორმებს დავიწყებთ. ყველა გაჩერებულ პროექტს წელიწად ნახევარში დავასრულებთ, უცხოურ ინვესტიციებს შემოვიტანთ, მაღალანაზღაურებად სამუშაო ადგილებს შევქმნით – ,,Apple”, ,,Google”, ,,Amazon”, ყველა ამ კომპანიის ოფისები გაიხსნება საქართველოში.
ჩვენ გაჩვენებთ, რა არის ნამდვილი საქმის კეთება!“, – განაცხადა გიორგი ვაშაძემ.
ავტორი
ნინი ხიჯაკაძე
