პარლამენტის ადამიანის უფლებათა და სამოქალაქო ინტეგრაციის კომიტეტის თავმჯდომარე, მიხეილ სარჯველაძე ჟურნალისტებთან კომენტარს აკეთებს ოპოზიციის როლსა და ჩართულობაზე ევროპული რეკომენდაციების შესრულების პროცესში, მათ შორის დეოლიგარქიზაციის ნაწილში:
,,სამწუხაროდ, უფრო დიდი ნაწილი ოპოზიციისა კვლავაც, რა თქმა უნდა, იმ მიზეზების ძიებას დაიწყებს, რაც შეიძლება პიარულად გამოადგეთ იმის ასახსნელად – <იქნება, რა თქმა უნდა, ყოველმხრივ ეს მართლაც ფარსი, მაგრამ ახსნილი> – რომ მათთვის, მაგალითად, რაიმე მიზეზის გამო არ არის საინტერესო ან გამართლებული სამუშაო ჯგუფებში მუშაობა.
მე მგონი, თუკი რამ ლოგიკაში არათანმიმდევრულია, ეს არის ოპოზიციის განმარტებები, სხვათაშორის, არათავსებადი ევროპულ რეკომენდაციებთან. იმიტომ, რომ ევროპული რეკომენდაციები არაერთხელ მოვისმინეთ, რომ არ შეიძლება იყოს, მაგალითად, პერსონაზე ორიენტირებული, პერსონალურ მიდგომებზე დაფუძნებული.
მიუხედავად ამისა, ძალუმად კი არა, პრაქტიკულად, ძალადობრივად, ოპოზიცია დღემდე ამტკიცებს, რომ სხვა ამოცანა დეოლიგარქიზაციაში არ არსებობს, გარდა ერთი კონკრეტული პიროვნების წინააღმდეგ ბრძოლისა“, – განაცხადა მიხეილ სარჯველაძემ.
ავტორი
ნინი ხიჯაკაძე
