თბილისის საკრებულოს ფრაქცია ,,ერთიანი ნაციონალური მოძრაობის” თავმჯდომარის მოადგილემ, მიხეილ სააკაშვილის საზოგადოებრივი ოფისის ხელმძღვანელმა, სოფო ჯაფარიძემ სოფელ კირბალში, რუსი სამხედროების მიერ მოკლული საქართველოს მოქალაქის, თამაზ გინტურის ძმასთან, გივი გინტურთან ერთად ოფისში ბრიფინგი გამართა ევროპარლამენტის მიერ მიღებული რეზოლუციასთან დაკავშირებით:
,,ევროპარლამენტის მიერ მიღებული რეზოლუცია არის ძალიან მნიშვნელოვანი ქართული სახელმწიფოსთვის. ჩვენი და ჩვენი პარტნიორების ძალისხმევით ვაკეთებთ იმას, რასაც რეალურად ,,ქართული ოცნება” უნდა აკეთებდეს.
ევროპარლამენტი გმობს თამაზ გინტურის მკვლელობას და ეხმაურება საოკუპაციო ხაზთან მშვიდობიანი მოქალაქეების დაკავებას.
თამაზ გინტურის მკვლელობა შეფასდა, კიდევ ერთ პროვოკაციად, რომელიც მიზანმიმართულია საქართველოს ევროატლანტიკური მომავლის წინააღმდეგ.
დღევანდელი რეზოლუცია არის კიდევ ერთი გამარჯვება თამაზ გინტურის. ჩვენ ყველაფერს გავაკეთებთ იმისათვის, რომ სრული სიმკაცრით იყვნენ დასჯილები თამაზ გინტურის მკვლელები.
სამწუხაროდ, დღეს, რასაც უნდა აკეთებდეს ჩვენი ხელისუფლება, აკეთებს ქართველი ხალხი და ქვეყნის მე-3 პრეზიდენტი, მის გუნდთან ერთად. მე-3 პრეზიდენტის დაპირება შესრულებულია. ამ ყველაფერზე ახლა ბატონი თამაზ გინტურის ძმა, ბატონი გივი ისაუბრებს“, – განაცხადა სოფო ჯაფარიძემ.
აღნიშნულ ბრიფინგზე საქართველოს მე-3 პრეზიდენტს, მიხეილ სააკაშვილს სიტყვით მიმართა გარდაცვლილი თამაზ გინტურის ძმამ, გივი გინტურმა:
,,მოგესალმებით! მივესალმები მიხეილ სააკაშვილს, საქართველოს მე-3 პრეზიდენტს, რომელმაც ციხიდან გამოგზავნა სამძიმრის წერილი ჩემი ძმის ოჯახში.
დიდი მადლობა ბატონო მიშა! დღევანდელ დღეს გილოცავთ, გიორგობა დღეა და თქვენთვის გამოშვებისა და გამოჯანმრთელების დღე ყოფილიყოს!
მადლობა მინდა კიდევ გადავუხადო, ანა ფოტიგას, მთელი ევროპის და ევროპარლამენტის შეწუხების გულისთვის!“, – განაცხადა გივი გინტურმა.
ავტორი
ნინი ხიჯაკაძე
