პარლამენტის ფრაქცია ,,ქართული ოცნების“ თავმჯდომარე, მამუკა მდინარაძე ჟურნალისტებთან პოლიტიკურ შეფასებას აკეთებს, თუ როგორ მიმდინარეობს დეოლიგარქიზაციის კანონპროექტზე მუშაობა:
,,ამ გეგმის აღსრულების ნაწილში, როდესაც ამას მთავრობაც დაამტკიცებს, თითოეულ ნაბიჯთან დაკავშირებით გვექნება დისკუსია, კონსულტაციები.
თავიდან უკრაინის კანონი იყო მოწონებული. პირდაპირი თარგმანი გადმოვიტანეთ. შემდეგ თქვეს, რომ ,,არა”. კი ბატონო, წავიღეთ უკან. ეს ისეთი დეტალებია, რაიმე ეროვნულ ინტერესებს ასე ხისტად არ ეხებოდა. ამიტომ გვითხრეს, მივიღეთ. შემდეგ გვითხრეს: ,,არა, არა, აღარ მიიღოთ“, – აღარ მივიღეთ.
ვინმემ რომ არ ჩათვალოს, რაღაცაზე უარს ვეუბნებით და ამით ვაფერხებთ, პირიქით – ჩვენ კი არ ვაფერხებთ, მივყვებით ყველა დეტალზე, რაც ეროვნული ინტერესების საწინააღმდეგო არ იქნება, ყველაფერზე მივყვებით.
აქაც, ამ შემთხვევაშიც, აღსრულების ნაწილშიც ყველა დეტალზე წავყვებით“, – განაცხადა მამუკა მდინარაძემ.
ავტორი
ნინი ხიჯაკაძე
