ქართულ პოლიტიკაში ემიგრანტების აქტიური ჩართულობის მნიშვნელობაზე საუბრობს მიხეილ სააკაშვილი მორიგ გზავნილში, კლინიკა “ვივამედიდან”:
“დღეს, ისე როგორც არასდროს, მნიშვნელოვანია ემიგრანტებთან მჭიდროდ ვიყოთ დაკავშირებული, რადგან ოლიგარქის დამარცხების საქმეში სწორედ მათ შეუძლიათ თქვან გადამწყვეტი სიტყვა.
საქმე ძალიან ბევრია, უცხოეთში არც ერთი ხმა არ უნდა დავკარგოთ.
მოხარული ვარ, რომ ამ უმნიშვნელოვანეს საქმეში სოფო ჯაფარიძე ჩაერთო და ამერიკის შეერთებულ შტატებში ჩვენს ძვირფას ემიგრანტებს შეხვდა. თქვენი წერილებისა და მოსაზრებების მიმართ დიდი მოლოდინი მაქვს.
საქართველოს გამარჯვება იქნება მხოლოდ მაშინ, როცა თქვენი ენერგია და გამოცდილება ჩვენს ქვეყანას მოხმარდება. ემიგრანტების საქართველოში დაბრუნება უმოკლეს ვადაში უნდა მოვახერხოთ!
ჩვენ ერთად შევძლებთ საქართველოს მსოფლიოს გამორჩეულ სახელმწიფოდ ქცევას!“, აცხადებს მიხეილ სააკაშვილი.
