საახალწლო ღონისძიების ფარგლებში “ახალი საქართველოს” გუნდმა 1000 ბავშვს უმასპინძლა

315

ვერის საკალათბურთო დარბაზში, ,,ახალი საქართველოს” სოციალური სამსახურის ინიციატივით, შეზღუდული შესაძლებლობების მქონე ბავშვებისა და სოციალურად დაუცველი ოჯახებისთვის, საახალწლო ღონისძიება გაიმართა. ღონისძიების ფარგლებში “ახალი საქართველოს” გუნდმა 1000 ბავშვს უმასპინძლა.

ღონისძიებაზე მოწვეულ ოჯახებს დამდეგი ახალი წელი “ახალი საქართველოს” თავმჯდომარემ გიორგი ვაშაძემ და სოციალური სამსახურის ხელმძღვანელმა თეონა ჭალიძემ მიულოცეს:

“ვუმასპინძლეთ 1000 ბავშვს, რომელთა შორის არიან შშმ პირები და ბავშვები სოციალურად დაუცველი ოჯახებიდან. მაქსიმალურად ვეცადეთ, რომ ერთი დღე მაინც გაგვეხალისებინა ბავშვებისთვის და საჩუქრად სიმბოლური ტკბილეულიც გადავეცით. დარწმუნებული ვარ ეს დღე მათთვის დასამახსოვრებელი იქნება,” – განაცხადა თეონა ჭალიძემ.

“ახალი საქართველოს” სოციალურმა სამსახურმა უზრუნველყო ის, რომ ყველაზე მეტად ეკონომიკური პრობლემის მქონე ოჯახებთან ერთად აღგვენიშნა დღევანდელი დღე. საქართველოს აქვს დიდი პერსპექტივა და 2020 წლიდან განსაკუთრებით სწრაფად უნდა დაიწყოს ქვეყანამ განვითარება, რომ ჩვენ გამოვიდეთ ამ უკიდეგანო გაჭირვებიდან და ახალი წელი მართლაც ყველას ერთნაირად გვიხაროდეს,” – აღნიშნავს გიორგი ვაშაძე.

კომენტარები