პრემიერ-მინისტრი, ირაკლი ღარიბაშვილი ჟურნალისტებთან კომენტარს აკეთებს საქართველოსთვის ევროკავშირის კანდიდატი ქვეყნის სტატუსის მიღების პროცესთან, ევროკომისიის გადაწყვეტილებასთან დაკავშირებით:
,,ამ გადაწყვეტილებით და იმ ჩანაწერით, რომელიც ჩვენ ვიხილეთ, პირველ რიგში უნდა ვთქვა, რომ ეს სპეკულაციები – უსაფუძვლო და დაუსაბუთებელი, უსუსური ამ შემთხვევაში, დასრულებულია – თითქოს ,,მთავრობას არაფერი არ გაუკეთებია“, ,,მთავრობა არ იმსახურებს და ხალხი იმსახურებს“.
უკაცრავად, შარშან ხალხი არ იყო ჩვენთან, ჩვენს ქვეყანაში, ხალხი არ იმსახურებდა?! მაშინ, როცა იგივე ადამიანები, რომლებიც დღეს, აი, ამას უსინდისოდ იმეორებენ. არაფერი არ გაუკეთებიათ იმისთვის, რომ ქვეყანას შარშანვე მიეღო სტატუსი.
პირიქით, პირდაპირ საბოტაჟს ეწეოდნენ, რომ ქვეყანას არ მიეღო სტატუსი. ეს რეალობაა. ასევე, ადამიანებმა, რომლებმაც ნახეს რა, ინფორმაცია მიიღეს, რომ ქვეყანა მიიღებდა სტატუსს, – სცადეს უსუსურად რაღაც ქულების ჩაწერა.
ერთი რამ ავიწყდებათ ამ ადამიანებს, რომ მთავარი ის კი არ არის, ვინ რა ქულას ჩაიწერს, არამედ ქვეყანამ მიიღოს სტატუსი, ქვეყანა გაძლიერდეს, განვითარდეს, წინ წავიდეს. ეს არის მთავარი ამოცანა! აი, ეს უნდა იყოს მთავარი ინტერესი.
ხალხზე აპელირება და აქცენტის გაკეთება არის უსუსური მცდელობა. ეს პირდაპირ მიანიშნებს, რომ შეფარებულები არიან ამ უსუსურ განმარტებას“, – ირაკლი ღარიბაშვილი.
ავტორი
ნინი ხიჯაკაძე
