პოლიტიკის მეცნიერების დოქტორი, ანალიტიკოსი ლევან ნიკოლეიშვილი ქვეყანაში მოსალოდნელი პროვოკაციის თაობაზე საუბრობს და ხელისუფლებას რეაგირებისკენ მოუწოდებს:
“რადიკალური ოპოზიცია ახალი პროვოკაციისთვის ემზადება.
დადასტურებული ინფორმაციით, მას შემდეგ რაც რუსი ოკუპანტების მიერ მოკლულ თამაზ გინტურს დაკრძალავენ, საქართველოში არეულობის მსურველები დამუშავებული გეგმის განხორციელებას შეუდგებიან. კერძოდ, რადიკალი პოლიტიკოსების პირით დააორგანიზებენ აქციას, რომლის მთავარი მოთხოვნა ხელისუფლების მიმართ იქნება, სასწრაფოდ გადმოეცეს გინტურის მკვლელი საქართველოს და აქ გასამართლდეს რუსი სამხედრო. ამ მოთხოვნით აპირებენ საპროტესტო აქციის დაწყებას, რომელსაც სათავეში რადიკალებთან ერთად ჩაუდგებიან ეგრედწოდებული „სამოქალაქო სექტორის“ წარმომადგენლები, მათ შორის ქაცარავა და ძმანნი მისნი.
არეულობის ორგანიზატორებს აქვთ იმედი, რომ ისარგებლებენ ჩვენი მოქალაქის მკვლელობით, ამ ტრაგედიას სათავისოდ გამოიყენებენ და შექმნიან მუხტს, რომელიც შემდგომ დაპირისპირებაში გადაიზრდება.
მოვუწოდებ ხელისუფლებას, აუცილებლად მიაქციოს ყურადღება ამ ინფორმაციას, ხოლო საზოგადოებას ვეტყვი, რომ არ აყვნენ ამ ბინძურ პროვოკაციას“, – წერს ფეისბუქის პირად გვერდზე ლევან ნიკოლეიშვილი.