პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძე ოპოზიციის მისამართით ირონიულ მინიშნებებს აკეთებს:
“8 ნოემბრამდე ოპოზიცია ამბობდა, რომ ეს ხელისუფლება ქვეყანას ვერ მიიყვანს კანდიდატის სტატუსამდეო. მერე მიხვდნენ, რომ ქვეყანამ მიიღო კანდიდატის სტატუსი, ამ ხელისუფლების პირობებში, ამიტომ ერთი სიტყვა შეცვალეს და დაიწყეს საუბარი, რომ მოლაპარაკებების გახსნამდე ვერ მიიყვანს ხელისუფლებაო.
ეს არის მათი რიტორიკის ნაწილი და თვითონაც არ სჯერათ რასაც ამბობენ. მე მგონი ყველა კარგად ხვდება, რომ მანამდეც საზოგადოებას ატყუებდნენ და ახლაც იგივე რეჟიმში იმყოფებიან.
არც მუშაობაში, არცერთ სამუშაო ჯგუფში მიუღიათ მონაწილეობა, არც მათი მხარდაჭერა ყოფილა იმ კანონპროექტებზე, რომლებიც გვაახლოვებდა ევროპულ სტანდარტებს“, – აცხადებს მიხეილ სარჯველაძე.
