,,გამარჯვების კოალიციის“ ერთ-ერთი ლიდერი, ,,სტრატეგია აღმაშენებლის“ პოლიტიკური საბჭოს წევრი, სერგო ჩიხლაძე ჟურნალისტებთან კომენტარს აკეთებს 2024 წლის არჩევნების მნიშვნელობასთან დაკავშირებით:
,,2024 წლის არჩევნები იქნება გადამწყვეტი ჩვენი ქვეყნის ბედისთვის და ჩვენი ქვეყნის მომავალი ათწლეულებისთვის.
ეს არ არის უბრალოდ არჩევნები, ეს არის გეოპოლიტიკური არჩევანი და მნიშვნელობა ექნება ქართველი ხალხი აირჩევს ,,ქართულ ოცნებას’’, რომელიც რუსეთისკენ წაიყვანს ამ ქვეყანას თუ აირჩევს დემოკრატიულ ოპოზიციას, კოალიციას, რომელიც დასავლეთისკენ, ევროპისკენ, ევროკავშირისკენ წაიყვანს ამ ქვეყანას.
ამიტომ ეს არის ძალიან მნიშვნელოვანი არჩევნები, ზუსტად ამიტომაც ჩაიდო ერთ-ერთ დათქმად, ერთ-ერთ პირობად სტატუსთან ერთად 2024 წლის არჩევნების ჩატარება თავისუფალ, სამართლიან გარემოში’’, – განაცხადა სერგო ჩიხლაძემ.
ავტორი
მარიამ ხაჩირაშვილი
