“ეთნიკურ და კონფესიურ ურთიერთობათა ცენტრის” ხელმძღვანელის ლელა ჯეჯელავას მძიმე შეკითხვები საზოგადოების მიმართ:
“არ მინდოდა ოდნავ მაინც გამეფერმკრთალებინა დღევანდელი დღის მოლოდინები, მაგრამ ჩანს, გამჩენი არ მასვენებს.
ვერ გვიშველის ჩვენ ვერც ევროკომისიის და ვერც სახელმწიფო დეპარტამენტის ძალიან პოზიტიური დასკვნებიც, ვერც სტრატეგიული მეგობრების ძალისხმევა და ვერც უკრაინის განარჯვებები, სანამ ქართველების დასკვნა არ იქნება:
- რა ჰქვია ისეთ ხელისუფლებას 12 წლის განმავლობაში საკუთარ ქმედებაზე ერთხელ რომ არ აუღია პასუხისმგებლობა და ყველა თავის შეცდომას და დანაშაულს წინას აბრალებს?
- რა ჰქვია ისეთ ქართველს სახელმწიფო დროშის აღმართვას და მტრის აჭედილი სალოცავის კარის ჩამოღებას პროვოკაციას ეძახის?
- რა ჰქვია ისეთ ღვთისმსახურს მტრის მიტანილი შოკოლადი და “ყურადღება” რომ ურჩევნია წინაპრების დატოვებულ სულიერ მემკვიდრეობას?
- რა ჰქვია ისეთ ყოფას მტერ-მოყვარის ცნობა რომ გაქვს დაკარგული, მტრის მხარეს მებრძოლ თანამემამულეს სირცხვილის გარეშე რომ იგლოვებ და ბრაზი გულს არ გაგიხეთქავს?
- რა ჰქვია იმ ხალხს ერთმანეთისგან ისე რომ გაუცხოვდება ჭირი და ლხინიც ვეღარ აერთიანებს?
- რა ჰქვია იმ ხალხს თავის მომავალს ქართველ სტუდენტებს, რომ სახლებიდან გამოყრის, რუსისგან აღებული მეტი ფულის გამო?
- რა ჰქვია მტრის წინ დამადლებული ლუკმისთვის მუხლმოყრილ ქვეყანას?
- რა ჰქვია იმ ერს მშვიდობას რომ ეტრფის და თავისუფლების შიში აქვს?
ამას რა რეკომენდაციები უშველის, თავებს ვიტყუებთ, თუ ევროპას ვატყუებთ?” – წერს ფეისბუქის პირად გვერდზე ლელა ჯეჯელავა.
