საქართველოსთან დაკავშირებით ევროკომისიის დასკვნის გამოცხადებამდე 1 დღით ადრე თემასთან დაკავშირებით პოლიტიკურ შეფასებებს აკეთებს პარლამენტის ფრაქცია “ქართული ოცნების” თავმჯდომარის მოადგილე, რატი იონათამიშვილი და განმარტებებს აკეთებს კანდიდატის სტატუსის მინიჭებისას შესაძლო დათქმებზე:
“რადიკალური ოპოზიციის ქმედებები, საქართველოს ევროინტეგრაციის საწინააღმდეგოდ, ისტორიაში შევა, როგორც მათი პოლიტიკური ლაქა, აი ამ რადიკალების და ამ ლაქას ისინი ვერ ჩამოირეცხავენ საკუთარი პოლიტიკური კარიერის მანძილზე, რომელიც ისედაც დასასრულს უახლოვდება.
მსგავსი მანკიერი დათქმების მოთხოვნა ყველაზე მეტად მაგონებს, საბჭოთა კავშირის პერიოდში, როდესაც საქართველოდან მოსკოვში იგზავნებოდა, ხოლმე, დასმენები და ამ მავნებელი ადამიანების საუკეთესო მემკვიდრეები და გამგრძელებლები არიან რადიკალური ოპოზიცის წარმომადგენლები. მაგრამ, თუ მაშინ, გარკვეულწილად, გადაწყვეტილებებზე გავლენას ახდენდნენ ამ დასმენების ავტორები, დღეს ეს შეუძლებელია“, – აცხადებს რატი იონათამიშვილი.